"Адкуль бяруцца кнігі", Таццяна Заміроўская

Дэбютны падкаст “Адкуль бяруцца кнігі”: Заміроўская і яе творчы бэкстэйдж

У першым выданні падкасту “Адкуль бяруцца кнігі” Таццяна Заміроўская распавядае, як прыдумляе апавяданні ў фонавым рэжыме мозга, калі этычна браць чужую гісторыю і як мігрэнь ды Джон Ленан дапамаглі ёй напісаць раман.

“Адкуль бяруцца кнігі” — падкаст пра пісьменніцтва, які складаецца з асабістых гісторый беларускіх аўтараў і аўтарак, іх творчых правілаў і практычных пісьменніцкіх парадаў.

Героі падкасту распавядуць, якія траўмы, успаміны дзяцінства, месцы, каханні, няўдачы ды выпадковасці паўплывалі на іх творчасць. Таксама паразважаюць пра механіку пісьма: натхненне і пісьменніцкія страхі, важнасць дысцыпліны і штодзённых рытуалаў, крыніцы сюжэтаў, першыя спробы, чарнавікі і канцоўкі. І, вядома ж, пра тое, што прыўносіць у іх жыццё пакутлівы і прыцягальны працэс пісьма.

Госця першага выпуску — Таццяна Заміроўская. Таццяна ўжо восем гадоў жыве ў Нью-Ёрку. Тут ёй даводзіцца шмат працаваць — раней кансультанткай у свячным буціку, цяпер — журналісткай і рэдактаркай. Пры гэтым пісьменніца кажа, што акурат апошнія гады сталіся самымі плённымі ў творчасці. Адкуль прыйшла ў раман “Смерці.net” ідэя інтэрнету для мёртвых, як трымаць сувязь з нябожчыкамі і пры чым тут эміграцыя ды Джон Ленан — у нашым першым сеансе літаратурнага дайвінгу.

Слухаць падкаст на іншых платформах:

Spotify
YouTube
Apple Podcasts
Google Podcasts
Castbox
TuneIn
Mixcloud